東喜茶 (已結業)

完全中晒伏,当日同朋友出咗尖沙咀,行行下口渴,省起最近好似好多人帮衬东喜茶,于是抱住一试嘅心态去帮衬。我同朋友本身都好期待,自己都几钟意芝士泡味道,我哋饮桂花乌龙,点知饮落原来同大陆嘅喜茶完全无得比,除咗包装似同有好多茶款同喜茶系一样之外,无样嘢比得上喜茶,最重点系成杯嘢完全无茶味,无茶味同无茶味(重要到要讲3次),另外啲芝士泡唔知点解成旧痴住,又唔滑,倒唔到个饮用位,最后饮晒啲无味嘅茶都唔系好饮到芝士,三十几蚊呢个质素不如饮返天仁或者贡茶...