影片
更多
2019-09-25
5799 浏览
我已经好耐无写食评, 但今次 Robuchon 的经验实在令我忍唔住要重出江湖，同大家分享我今次嘅经历。贵为米芝莲三星餐厅，我会以三星的要求看待Robuchon。自问都食过不少世界星级餐厅，但今次的经历实在太令人失望，同台的朋友都不停反问:「点解会攞到三星? 」逐Part讲:Staff一到reception ，两个staff 已经无笑容，俾人感觉好唔welcoming，近乎黑面感觉。 去fine dining area 会经过一条长走廊，个staff 完全无理过客人，自己一马当先，中间已拉开有5-6尺距离 (因为中间有道门，我阿妈唔够力推，所以我地慢咗)。以往经验，一张台会有两个staff serve ，但当晚系一个 staff serve 四张台。其中一台食扒(二人份)，个waiter 当面即场切，切咗十分钟，变相十分钟三张台D 野无人跟。 其实块扒系出面切咁耐，乜都冻哂啦。另外，个waiter 问我地需唔需要睇 wine list ，我话好。Waiter 话转头攞俾我，于是我去洗手间。返到位，到头盘上都无俾个wine list 我，要我再request ，但食物已经上咗。最奇怪系由
逐Part讲:
Staff
一到reception ，两个staff 已经无笑容，俾人感觉好唔welcoming，近乎黑面感觉。 去fine dining area 会经过一条长走廊，个staff 完全无理过客人，自己一马当先，中间已拉开有5-6尺距离 (因为中间有道门，我阿妈唔够力推，所以我地慢咗)。
以往经验，一张台会有两个staff serve ，但当晚系一个 staff serve 四张台。其中一台食扒(二人份)，个waiter 当面即场切，切咗十分钟，变相十分钟三张台D 野无人跟。 其实块扒系出面切咁耐，乜都冻哂啦。
另外，个waiter 问我地需唔需要睇 wine list ，我话好。Waiter 话转头攞俾我，于是我去洗手间。返到位，到头盘上都无俾个wine list 我，要我再request ，但食物已经上咗。最奇怪系由头到尾都无见过 Sommelier 。
每道菜中间，waiter 都无扫台，直至完成 main course 上甜品，所以由头到尾成台都系面包碎，搞到我周身唔聚财。
去到食甜品，我落order 时已叫定梳乎厘，因为要等20 分钟，另外两位客人未order 。但到完成 main course 后，个waiter 俾咗只匙羹我同我阿妈，我地觉得奇怪。再等一阵，我朋友忍唔住问waiter攞menu ，个waiter 有D 惊讶，然后say sorry，话以为我地 share 。事实系你从来都无问，而我地都无打算share; 更何况就算系 share ，点解我朋友又无匙羹呢? 你点知边个同边个share呢? 作为一间三星餐厅，咁嘅 service 真系唔得啰。
到我个friend 睇紧menu ，有问题想问，咁啱有另一个waiter 收碟，我地顺便问佢问题，但佢竟然唔识答。(个问题系: 依个(指住其中一款甜品)系乜呢架?)
最后，可能我系鸡蛋里挑骨头，负责我地张台个waiter 有两只手指甲系黑色的，系成只黑色。Waiter
系男士来的，相信不是指甲油，我估是指甲瘀了。由于他每次上菜都用瘀了那只手，再加上我视点系台水平，所以每次上菜，我就会见到两只黑色指甲加上我的食物，感觉反胃。
食物:
食物选择不算多, 我book 7 点, 但已经话第一道菜’鱼’ 卖哂。 但我阿妈想食鱼, 结果被迫要点超浓味嘅面豉清酒腌鱼，个鱼又实又浓味，真心顶唔顺同觉得嘥咗块鱼。
最最最重要系所有食物上台都唔热! 依个系好基本嘅要求，但系咁都做唔到？咁样真系好差。有同Waiter 反映，佢话佢地D 碟系无一般美国餐厅D 碟咁热，因为试过有同事受伤=.=! 其实碟唔系好热，食物都唔会唔热啰。
我怀疑因为餐厅人手不足，所以食物煮咗好耐都无人攞。 事实餐厅冷气不算好冻，我都唔明点解所有食物都系lukewarm。咁样无论几有心机煮都浪费咗。
味道:
当所有食物都唔热嘅时候，真系会影响食欲。加上味道无乜特别，亦无好delicate 嘅感觉。摆盘、餐具配色亦十分平庸。整体系无特色，无惊喜，我会话同一间普通餐厅差不多，除了位置优越之外。
环境:
当日无落雨，但面向的玻璃满布水渍，又扣分。唔好意思，我对三星嘅要求系严格。
总结： 绝对有被骗嘅感觉，一路食都会问点解佢会攞到三星？中环 Robuchon 系我食过嘅米芝莲中最差嘅餐厅，好失望。
King Crab & Avocado Salad with Buffalo Mozzarella and Extra Virgin Olive Oil
$540
58 浏览
1 赞好
0 留言
Pan-seared Scallops with Green Curry and Coriander Sauce, Squid Ink Farfalle
$440
39 浏览
0 赞好
0 留言
Slow cooked Challans Duck Breast and Foie Gras with Figs, Radish and Timut Pepper
$620
59 浏览
0 赞好
0 留言
Cod Fillet Marinated in Sake and Mirin with Miso Sauce
$480
44 浏览
0 赞好
0 留言
Pan Seared Veal Sweetbread with Cep Mushrooms and Roasted Potatoes
$650
48 浏览
0 赞好
0 留言
Grand Marnier Souffle with Mandarin Sorbet
$170
43 浏览
0 赞好
0 留言
Le Chariot De Desserts
$170
32 浏览
0 赞好
0 留言
张贴
