小念頭 (香港中文大學) (已結業)

之前有听过小念头，一直都好想试，趁咁啱喺附近就系熊猫叫咗外卖：卤牛肉饭、两碗台式牛肉面同凉拌肥牛。喺OpenRice 睇相，明明堂食𠮶啲牛肉面/饭嘅牛都系真台式「炖牛肉/牛𦟌」之类，但估唔到外卖送到嚟竟然所有嘅牛肉都变成「肥牛」无错，全是肥牛，再加埋我本身叫凉拌肥牛，真系食紧全肥牛宴好失望。而面方面，虽然有分汤，但面底系好淋无咬口。同埋比嘅餐具系木叉同细匙羹，完全唔适合食汤面，换筷子会较好。凉拌肥牛：味道OK，但对比我哋嘅全肥牛主食，只系汁唔同咗。其实同相有咁大「出入」，难免会有期望落差，亦会觉得餐厅好hea。失望。