影片
更多
2014-10-22
631 浏览
上星期六同男朋友入左西贡玩，谂住夜晚顺便在西贡揾食，我地就一齐睇下openrice，当晚一心想食西餐，就揾到呢间” Pizzeria La Gondola”简介话自己系”水都旁的亲民餐馆”，就怀住希望去试试。去到铺头，门面系一间非常简单的餐厅，当我地一行埋去，门外一个店员非常热情主动咁介绍餐厅有咩招牌菜，佢话一定要试佢地个肉丸，系独家秘制架，手打架好好食，仲一定要点pizza，因为好出名。餐厅有分任点任食同set dinner，我同男友就叫左个二人set dinner。当然要试下头先店员落力推介既肉丸同pizza啦~一开始上餐汤(南瓜汤)同另一个跟餐既salad汤唔够热，偏甜，好多南瓜蓉，似糖水多过似意大利南瓜汤。沙津有烟三文鱼同杂菜，味道冇特别。之后系小食，话说个肉丸系拼鸡肉串的，点知上台竟然系一个小碟装住2串鸡肉....我同男友都有d o咀，以为系隔离台叫任食d野送错左，因为佢个鸡肉串竟然系茶餐厅食下午茶餐配个沙津个种好细条既鸡肉串 (唔记得影相)。后来醒起仲有个肉丸架应该，先仿然大悟碟野系我地。话到明系拼盘，点解2样野系分开上呢? 味道?应该大家都知道茶餐厅鸡串系咩味既。之后上肉
我地就一齐睇下openrice，当晚一心想食西餐，就揾到呢间” Pizzeria La Gondola”
简介话自己系”水都旁的亲民餐馆”，就怀住希望去试试。
去到铺头，门面系一间非常简单的餐厅，当我地一行埋去，门外一个店员非常热情主动咁介绍餐厅有咩招牌菜，佢话一定要试佢地个肉丸，系独家秘制架，手打架好好食，仲一定要点pizza，因为好出名。
餐厅有分任点任食同set dinner，我同男友就叫左个二人set dinner。
当然要试下头先店员落力推介既肉丸同pizza啦~
一开始上餐汤(南瓜汤)同另一个跟餐既salad
汤唔够热，偏甜，好多南瓜蓉，似糖水多过似意大利南瓜汤。沙津有烟三文鱼同杂菜，味道冇特别。
之后系小食，话说个肉丸系拼鸡肉串的，点知上台竟然系一个小碟装住2串鸡肉....
我同男友都有d o咀，以为系隔离台叫任食d野送错左，因为佢个鸡肉串竟然系茶餐厅食下午茶餐配个沙津个种好细条既鸡肉串 (唔记得影相)。后来醒起仲有个肉丸架应该，先仿然大悟碟野系我地。
话到明系拼盘，点解2样野系分开上呢? 味道?应该大家都知道茶餐厅鸡串系咩味既。
之后上肉丸，所谓既手打肉丸:
用屋企食饭既饭碗装4粒丸比你，淋d茄汁，呢个就叫意大利手打肉丸 口感好硬，似食贡丸。
之后系意粉:
好细碟，意粉发得好胀炒到断开一条条，个下心谂，我炒比你食好过啦。味道普通。
Pizza: 终于揾到样似返少少样既野，冇呃人，pizza整得唔错，饼底好脆好薄，食落口好香，topping有肉肠、洋葱、青椒、芝士，焗得岩岩好，好味!
甜品：雪糕泡芺泡芺食落太腍身，雪糕雪得过硬，唔算好难食，不过唔好食。
总结：一个咁既dinner set 盛惠288大洋仲要加一，以咁既质素同份量真系完全唔值，我同男友食完系唔够饱既。我欣赏店舖「坚持自家制」，但自家制都要睇质素，如果份量多少少我条气会顺d，奉劝各位，请唔好抱住食意大利菜既期望去食，唔系你会失望。
P.S.: 在我地旁边一对男女客人，结帐时待应比左张卡片个女客人，点知女客人细细声话：我以后都唔会再黎呢度!!! 然后放低卡片头也不回咁走左。
张贴
