Hideout Cafe Bar

营业中

休息中

终于去到星期六日又可以出去威。 今个星期六天气阴阴地，有啲风咁，最啱就系去行山。即系谂起之前去过南丫岛嘅一间世外桃源卧虎藏龙嘅咖啡室。店舖门面完全唔似咖啡室，前门感觉上空荡荡，只有一个细嘅counter， 穿过狭窄嘅走廊, 另有玄机，系对住沙滩嘅阳台仔。 只有数张嘅枱櫈，几棵植物，完全感受到慢活嘅气息。食物方面, 选择唔算多。上次同今次都叫咗餐单既嘅全日早餐"Everything " 。 但系今次帮衬竟然大跌眼镜，食物质素差咗超多。只有薯饼番茄同茄汁豆系食得，其余嘅质数真系参差。首先讲下杯嘢饮,要上嘅即磨咖啡唔系应该有啲泡沫？ 无泡沫之余味道淡得可怜，加埋牛奶口感先好啲。但系依然挽救唔到灾难级嘅咖啡味道。仲要唔知点解我朋友个杯多啲，我果杯好似畀人饮咗几啖咁🙄另一重灾区系条肠仔同烟肉，又干柴又咸。感觉很劣质，尤其是系肠仔。 多士烘得窿，但系食落又唔脆。唯一最好食嘅系薯饼同埋茄汁豆 Oh my god~😮‍💨就算个景点样靓到好，偏贵嘅价钱配上灾难性食物嘅质素真系令我对餐厅嘅印象大打折扣。希望佢哋可以反省下食物质素，重新改良同埋用返啲高质少少嘅食材。想试下benedict感觉上好似有啲吸引。