影片
更多
2012-11-23
10 浏览
各位好, 今次系我第一次写食评, 未必写得好好, 请多多包涵！(对不起, 惠顾时没有拍照作参考)今晚约左朋友仔系荃湾食饭, 大家都比较钟意食日本野, 所以事前都系Openrice 度睇过大概食评, 才出发.book 左晚上8点半 (2位). 我地早到左10分钟, 门口带位员一直冇影, 所以我地主动地掀门帘伸头入内问服务员, 见2位服务员加埋个经理问左好耐先知道要带位. 当时店内只有4枱客人, 分别安排坐于店内不同既角落. 而我地就入坐于店内最中间贴墙既4人枱, 可以环顾晒店内大部份位置.坐低后, 服务员好快咁递上餐牌, 起初觉得佢服务都ok.我地好快咁叫左4样野食, 没有另点饮品.1. 吉列香草虾 $38食物热烘烘上菜, 味道都ok, 但份量很少, 对于HKD $ 38一份3只来说, 价钱较贵, 如增添多一只, 价钱较为合理. )2. 金菇肥牛卷 $384只, 从中间拦腰横切成8件, 但卖相十分不吸引, 如果每件卷都可以包装成有金菇露出来, 卖相较佳及容易入口.牛肉及酱汁味道还可以, 但金菇需要较多时间嘴嚼. 3. 海鲜炒手打乌冬 $52份量足够2人食用, 大概可分成每人2小碗, 味道
今晚约左朋友仔系荃湾食饭, 大家都比较钟意食日本野, 所以事前都系Openrice 度睇过大概食评, 才出发.
book 左晚上8点半 (2位). 我地早到左10分钟, 门口带位员一直冇影, 所以我地主动地掀门帘伸头入内问服务员, 见2位服务员加埋个经理问左好耐先知道要带位. 当时店内只有4枱客人, 分别安排坐于店内不同既角落. 而我地就入坐于店内最中间贴墙既4人枱, 可以环顾晒店内大部份位置.
坐低后, 服务员好快咁递上餐牌, 起初觉得佢服务都ok.
我地好快咁叫左4样野食, 没有另点饮品.
1. 吉列香草虾 $38
食物热烘烘上菜, 味道都ok, 但份量很少, 对于HKD $ 38一份3只来说, 价钱较贵, 如增添多一只, 价钱较为合理. )
2. 金菇肥牛卷 $38
4只, 从中间拦腰横切成8件, 但卖相十分不吸引, 如果每件卷都可以包装成有金菇露出来, 卖相较佳及容易入口.
牛肉及酱汁味道还可以, 但金菇需要较多时间嘴嚼.
3. 海鲜炒手打乌冬 $52
份量足够2人食用, 大概可分成每人2小碗, 味道欠缺层次, 不论是吃哪一种主菜食材, 整碗乌冬都是同一个味道,
有原只虾(虾壳需自行处理, 很不方便), 青口, 小柱, 红青两椒相伴, 海鲜份量一般.
4. 海鲜蕃茄锅 $60
我地两个都好后悔点左呢个锅, 应该只会系极度肚饿, 而又冇得拣既情况下, 先会食. 食物品质简直系差都极点！
因为张枱位置有限, 呢个锅放左系我地隔离张吉枱度大火烹调, 个锅系冇得调较火既大小, 火势大到我地根本没充办法控制及用筷子夹食, 火焰一直在煲边燃烧, 如果唔系个服务员见到有危险, 过黎帮手, 我地都唔知点算
虽然见个锅煮完, 有晒白烟出, 但内里温度亦只是微温.
- 原只虾 3 只 ((虾壳需自行处理)
- 蕃茄 (no comment)
- 青口 ("声", 不好吃)
- 冬菇 (没有事前浸水处理便煮的味道, 不好吃)
- 鱿鱼圈 (没有味道, 质感有如咬橡胶)
- 菜, 没有味道, 如同白开水灼一样
- 蕃茄汤底, 只有其色, 没有其味 (原来呢个系招牌菜, 但都煮成咁, 好失望呀!! )
份量系大, 但味道实在太差, 我地最终都放弃左大半煲.
5. 胡麻冷豆腐 (免费送既,见用餐优惠, 但需收原价加一服务费 $34 x 10% = $3.4)
数量一份小型豆腐, 约4 cm x 3 cm x 3 cm大, 一件装. 个胡麻汁味道带点奇怪, 不算好吃. 试过便算, 没试亦不是甚么损失.
服务员有点人手不足, 但更大既问题是培训不足, 8点半晚市应该是忙碌既时间, 而客人只有4枱, 但要加茶时, 多次没有人回应, 而于品尝食物后, 又没有人收拾碟子. 根本不值得给予加一服务费.
]整体来说, 石烧日本料理可以进步既空间好大！
短时间内, 我不建议朋友试食, 自己亦暂时不会再去.
可取处, 座位尚算舒适, 休息、吹水都不失为一个选择.
题外话/补充资料：
顺带一提, 系我地用餐时, 有walk-in 顾客见门口没有带位员, 便直入到店内问有冇6大2小既座位？服务员竟然同个客讲要等, 因为而家未有位. 叫佢等等. 但当期时, 新顾客同我地都眼见入座率只有三成, 四周都是吉枱. 可能系服务员之前安排了顾客入座于不同角落, 如非叫客人调枱, 否则都唔会坐得落8个人. 对比, 出面好多食肆, 就会好灵活咁整理出座位, 提高入座率同销售利润.
对于食肆来说, 除了需要改善食物既味道、服务员既培训外, 还需要改善店内既行政管理, 灵活运用店内既座位编排.
眼见服务员整晚行来行去, 好似好忙咁, 但食客高峰期只有11位同时出现, 都搅到咁呢hea, 又真系好难处理到完全满座既情况.
(以上食记乃用户个人意见 , 并不代表OpenRice之观点。)
张贴