影片
更多
2020-11-01
754 浏览
今晚约左两位朋友食饭庆祝生日，因为其中一位钟意食茶渍饭，所以上网揾到哩间日式料理店。大约6点半左右黎到，店员一开口就系问我地几位，连最基本既「いらっしゃいませ」(欢迎)都冇讲🤷🏻♂️坐低睇左餐牌，打算落单叫野食，问题就系哩度出现，叫玉子烧冇玉子烧(理由系寻晚食客太尽兴，所以冇晒鸡蛋😓)、叫Sukiyaki冇Sukiyaki、叫牛肉冇牛肉，简直系「百无」🙈因为乜都未叫(水都未饮)，所以我都提议不如转场，但系两位朋友都冇意欲走，所以只好继续系度拣食物...拣左好耐，最后拣左：炸鸡软骨、炸牛蒡、烧柳叶鱼、三文鱼茶渍饭、鹿儿岛特产黑猪肉姜飃香涮涮锅(两人份)首先黎既系炸鸡软骨同炸牛蒡，炸鸡软骨不过不失，系一般居酒屋都有既质素，炸牛蒡香脆而不油腻，配合少量盐调味，反而系全晚最好食。之后黎既系三文鱼茶渍饭同烧柳叶鱼，饭份量好多，但系俾汤浸住，而茶竟然系另外用茶壶装住(一直食开都系茶同汤预先调配，再预先倒落饭，或者用茶壶装住俾客人自行调配，就算去日本旅行都系一样食法)而且饭好多都黐埋一旧同埋食得出唔系日本米(但系价钱系贵到可以食越光米)烧柳叶鱼就都系普通烧多春鱼，不过唔似柳叶鱼。最后黎既系鹿儿岛特产
大约6点半左右黎到，店员一开口就系问我地几位，连最基本既「いらっしゃいませ」(欢迎)都冇讲🤷🏻♂️
坐低睇左餐牌，打算落单叫野食，问题就系哩度出现，叫玉子烧冇玉子烧(理由系寻晚食客太尽兴，所以冇晒鸡蛋😓)、叫Sukiyaki冇Sukiyaki、叫牛肉冇牛肉，简直系「百无」🙈因为乜都未叫(水都未饮)，所以我都提议不如转场，但系两位朋友都冇意欲走，所以只好继续系度拣食物...
拣左好耐，最后拣左：炸鸡软骨、炸牛蒡、烧柳叶鱼、三文鱼茶渍饭、鹿儿岛特产黑猪肉姜飃香涮涮锅(两人份)
首先黎既系炸鸡软骨同炸牛蒡，炸鸡软骨不过不失，系一般居酒屋都有既质素，炸牛蒡香脆而不油腻，配合少量盐调味，反而系全晚最好食。
之后黎既系三文鱼茶渍饭同烧柳叶鱼，饭份量好多，但系俾汤浸住，而茶竟然系另外用茶壶装住(一直食开都系茶同汤预先调配，再预先倒落饭，或者用茶壶装住俾客人自行调配，就算去日本旅行都系一样食法)而且饭好多都黐埋一旧同埋食得出唔系日本米(但系价钱系贵到可以食越光米)烧柳叶鱼就都系普通烧多春鱼，不过唔似柳叶鱼。
最后黎既系鹿儿岛特产黑猪肉姜飃香涮涮锅(两人份)，猪肉分猪五花同猪柳，猪五花口感还可以，但同普通猪五花分别唔大，猪柳熟后口感麻麻(较硬)，汤就只有咸味，完全食唔出姜味。
虽然成晚食物麻麻，但系我地都本住唔嘥野既原则食晒。之后埋单叫左两次侍应都系挥一挥手敷衍就算，要叫到第三次先肯埋黎😓
埋完单一样又系最基本既「ありがとうございました」或者系广东话既「多谢」都冇讲🤷🏻♂️
今晚都好后悔拣左哩度同朋友庆祝生日(朋友感觉都麻麻😓)希望下次可以拣间更好啦！
张贴