小苗子 (已結業)

今日系我同朋友第二次中午去帮衬小苗子，但相信会系我地嘅最后一次，之后亦唔会再去!对于第一次帮衬的感觉还可以，虽然店内的地方唔大，座位又唔算多，加上buffet 枱 set up 的位置真系坐得唔系好舒服，但佢地d食物都几好，食物质数唔差，$98有沙律、汤、饭、面、多款素菜、甜品、果汁及水， 任食唔使加一的话，算系咁架喇。但今日再去食lunch，唔知几时佢地已经改咗唔系任食喇，只可以出去攞一次食物。 虽然食物质数依然保持得几好，但只可出去一次，我们就觉得佢地个价钱应该调整吓喇，完全唔值$98喇。而且，好多时佢地d食物供应有限，尤其系繁忙时段好多吉盆，往往要等新一批的食物出现，如果再出去攞d新而又未攞过的食物又会比d职员话，真系好无奈 除咗价钱同只可以出去攞一次食物之外，今我地唔会再去嘅最大原因系佢地的服务态度，位话事人可以当著现场的客人，大大声讲 : “有d客吖，有得任食就狂食…”、’’试过有个客一个人就用了9-10只碟，好唔环保” 等等，感觉真系十分差吖!!!对于一间本来系好好的素食餐厅，食物唔差，价钱合理，地点又方便，可惜因为管理不善，而完全失去了吸引力