燚館特色粉麵 (已結業)

今日特登去食一间叫燚馆嘅药膳米线，「燚」字究竟点读呢？！我特登上网查过，「燚」可以读「亦」亦都可以读「艺」，不过唔知啱唔啱呢？！🤔🤔好啦～都系讲返食物先，我今日特登嚟到系试佢哋主打嘅药膳米线，而我朋友就叫咗胡椒猪肚米线。呢间餐厅价钱平民化，其实喺得大埔旧墟做食肆，都以街坊生意为主，呢个价钱亦都好街坊价！系抵食嘅～好啦～嘢食到，我先试一下药膳鸡髀米线啖汤底（加$10可以转鸡髀），因为药膳米线个汤系灵魂，一饮落去...好淡口，我从未试过食药膳米线个汤会系咁淡，好似沟咗水；即刻试埋朋友叫嘅椒猪肚米线个汤底，一样系好似沟咗水咁而个米线亦都好淋，好似煮耐咗咁！我唔知道佢哋系点样煮个米线。究竟系放喺汤入边煮？定系清水煮完再放落汤底？！如果系后者，佢哋极有可能未隔清煮米线嘅水，就直接放落汤底，所以汤底就沟咗多余嘅水份变得淡口。但最终原因，系得佢哋先知😓评价：差！！汤底同米线差，基本上唔使再讲个𩠌好唔好食，可以埋单走人～