四海遊龍 (已結業)

第一日开幕早上已急不及待去试试。点知原来朝早仲未有锅贴供应，只有牛肉面及所谓猪扒蛋早餐。作为一间以锅贴挂头牌嘅食店，早上都冇锅贴卖，实在有D离谱...无奈，只好叫个鸡扒蛋多士。一端来，原来只系一件鸡扒蛋治，可能台湾人称多士等同于三文治la...望见件鸡扒干争争，心知不妙。食落口果然不出所料；连蛋亦系煎至嚡口嘅，不吃也罢...始终，未试到锅贴都未曾可以下定论。隔两多星期再去，今次早上有锅贴嘞，见size不大，就来四只...锅贴呈长身，底煎得颇脆；皮比上海式锅贴薄，馅系绍菜猪肉。可惜，D馅又系干争争，食到口都有D干，醮上喼汁而食感觉会好D。不过两大洋一只，又确实抵食....虽然呢亭锅贴跟上海式厚皮嘅风格不同，但俾我拣，小弟情愿行多几条街，去贵记买番几只食好过...