影片
更多
2012-05-17
330 浏览
平时星期日比较得闲啲，都会下厨同屋企人晌屋企食，不过依晚同太太都有啲事，索性同埋姨仔舅仔一齐出街食，好耐无打过冷，所以就去同区嘅乐园食吓潮州嘢。乐园晌美孚都好似好耐，一室无乜装修，系街坊食堂，逼逼狭狭，食碗粉面又得，卤水打冷又得。门口明档挂满卤水鹅、红肠、墨鱼、生肠及多款潮州嘢，价位唔算贵，都有几多街坊帮衬。所有潮州嘢，一张餐牌睇晒，各款卤水、小食、泡粥、炒蚬共40多款，点咗几款小食，加个炒大蚬，一个咸菜猪肚汤，再整个泡粥，咁就已经好够数。卤水鹅掌 $55鹅掌一向肉唔多，志在「伦」吓个卤水味，虽则鹅掌好入味，可惜卤水偏咸，有啲失望，否则应该个卤水鹅掌唔错。萝卜猪皮 $25萝卜好腍，不过唔够清甜，而且有渣；猪皮亦都系普通，问题在于有啲啲韧，而且份量亦好少。香肠墨鱼 $50卖到$50一客，都咪话唔贵，但系墨鱼唔少，同香肠有一半一半。香肠就一般，有少许肥肉，反而墨鱼几好，柔韧得嚟有墨鱼味。即炒大蚬 $40大蚬果真即炒，上枱好香，豉汁几浓香，蚬肉都鲜甜，不过空壳唔少，有啲揾笨。咸菜猪肚汤 $48我见有啲食家写依道系胡椒猪肚汤，相信记错居多，店家只有一款咸菜猪肚汤，亦系打冷铺常见汤水，有啲店舖都
乐园晌美孚都好似好耐，一室无乜装修，系街坊食堂，逼逼狭狭，食碗粉面又得，卤水打冷又得。门口明档挂满卤水鹅、红肠、墨鱼、生肠及多款潮州嘢，价位唔算贵，都有几多街坊帮衬。
所有潮州嘢，一张餐牌睇晒，各款卤水、小食、泡粥、炒蚬共40多款，点咗几款小食，加个炒大蚬，一个咸菜猪肚汤，再整个泡粥，咁就已经好够数。
卤水鹅掌 $55鹅掌一向肉唔多，志在「伦」吓个卤水味，虽则鹅掌好入味，可惜卤水偏咸，有啲失望，否则应该个卤水鹅掌唔错。
萝卜猪皮 $25萝卜好腍，不过唔够清甜，而且有渣；猪皮亦都系普通，问题在于有啲啲韧，而且份量亦好少。
香肠墨鱼 $50卖到$50一客，都咪话唔贵，但系墨鱼唔少，同香肠有一半一半。香肠就一般，有少许肥肉，反而墨鱼几好，柔韧得嚟有墨鱼味。
即炒大蚬 $40大蚬果真即炒，上枱好香，豉汁几浓香，蚬肉都鲜甜，不过空壳唔少，有啲揾笨。
咸菜猪肚汤 $48我见有啲食家写依道系胡椒猪肚汤，相信记错居多，店家只有一款咸菜猪肚汤，亦系打冷铺常见汤水，有啲店舖都有咸菜胡椒猪肚汤或胡椒猪肚汤，上次晌增𪸩试过佢个胡椒猪肚汤，确系几正。今餐个咸菜猪肚汤，咸咸酸酸，天热饮几醒谓，咸酸菜多到不得了，猪肚就偏少，得𠮶几旧。整体个汤水都OK，但我嘅老婆一饮就知佢落咗味精，要扣分。
方鱼蚝仔粥 $60潮州粥一向都几有特色，又似粥，又似饭。方鱼蚝仔粥，方鱼碎碎好鬼少，蚝仔就意外地有几多，加埋少少肉碎，像汤饭般，加上个汤底有少少鱼鲜味，算为成晚拉番啲分。
今餐食咗唔少嘢，食完有啲失落，对乐园真系有啲失望，据知佢都系依区打冷老字号，咁耐都唔执应该有一定食力，莫非越做越差？屋企人同声话唔会再嚟㖞！唉，我都有同感。张贴
