京滬坊

营业中

休息中

今日突然想食小笼包， 本身想去第二间， 不过经过觉得呢到好似几好味， 出面实在太热啦， 就佢啦！餐厅好细间， 啲枱都好细张， 不过lunch time都唔太多人， 小猫3 4 只咁。 铺头似家族小店， 行温馨路线～好耐冇食上海菜， 一打开menu觉得所有嘢都好想食。 最后我地2个人， 叫左小笼包， 锅贴， 上海炒年糕， 同埋一个酸辣汤share😍酸辣汤🏅🏅🏅🏅🏅超多料， 好正！一人份都几大碗， SHARE岩岩好。 小笼包🏅🏅🏅🏅🏅我要讲， 小笼包真系令我好惊喜， 平时去小店食亲小笼包都一定会穿， 唔穿系好彩， 所以我不嬲都唔钟意去啲太cheap嘅铺头食小笼包， 不过呢到完全冇穿， 乱夹都冇穿！！因为佢地小笼包个顶顶好圆， 我本身夹唔起， 夹左几次， 点知都系冇穿， 薄皮又多汤， 好惊喜呀～～ 上海炒年糕🏅🏅🏅太多椰菜噜， 我比较钟意大堆年糕烟烟靭靭， 同埋佢地年糕太湿， 唔够干身 锅贴🏅🏅🏅🏅🏅又一样好味推介， 个皮冇穿之余， 一啲都唔油又做到脆卜卜， 想食多份🤤 未食完年糕男朋友就话饱， 其实我想食埋生煎包😂, 不过下次啦， 实有机会！