影片
更多
4天前
12 浏览
行街行到攰，是但拣咗间餐厅，见到餐厅有位就入去试下。奇味鸡煲 (半只) $168我个人唔系太好鸡煲，一嚟食完啲衫、袋好大阵味；二嚟试过几次啲鸡都斩到好碎，觉得无咩肉食，成煲碎骨；三，我唔系食得辣，所以无人会想同我食😂无论叫烤鱼 或者 鸡煲，都可以自由加配菜，我哋加咗莲藕片 ($33)、寛粉 ($33)、鸭血 ($48)。鸡煲一上，职员会放底个计时器，差唔多够钟，职员会自动嚟帮手打开煲盖。鸡煲有红葱头、白萝卜、葱、芫茜、唐芹。鸡肉好滑，味道唔错，都几入味，调味唔会太咸。份量偏少，半只鸡两个人都唔系好够食。食完鸡煲就加汤煮配菜。莲藕片切得比较厚，所以要煮好耐。因为朋友要就我食唔辣，所以鸭血都系唔辣。我自己唔食鸭血，所以唔知个分别，但系朋友就话唔辣嘅鸭血好难食😂最后，拎咗辣椒油加落去😂咁岩今次3样配菜都系需要时间去煮，个炉又唔够力，等汤滚，再煮配菜，都等咗一段时间。君子好逑四季春 ($38)饮品甜度适中，百香果同柠檬味好香，好岩配啲咁浓味嘅食物，可以解腻。餐厅放咗好多柠檬，成叠咁😂寒天有好多，不过口感系烟烟韧韧，同我印象中嘅寒天唔太一样😅，但味道系可以嘅。食物味道一般，味道唔算出众，餐厅系走
奇味鸡煲 (半只) $168
我个人唔系太好鸡煲，一嚟食完啲衫、袋好大阵味；二嚟试过几次啲鸡都斩到好碎，觉得无咩肉食，成煲碎骨；三，我唔系食得辣，所以无人会想同我食😂
无论叫烤鱼 或者 鸡煲，都可以自由加配菜，我哋加咗莲藕片 ($33)、寛粉 ($33)、鸭血 ($48)。
鸡煲一上，职员会放底个计时器，差唔多够钟，职员会自动嚟帮手打开煲盖。
鸡煲有红葱头、白萝卜、葱、芫茜、唐芹。
鸡肉好滑，味道唔错，都几入味，调味唔会太咸。份量偏少，半只鸡两个人都唔系好够食。
食完鸡煲就加汤煮配菜。
莲藕片切得比较厚，所以要煮好耐。
因为朋友要就我食唔辣，所以鸭血都系唔辣。我自己唔食鸭血，所以唔知个分别，但系朋友就话唔辣嘅鸭血好难食😂
最后，拎咗辣椒油加落去😂
咁岩今次3样配菜都系需要时间去煮，个炉又唔够力，等汤滚，再煮配菜，都等咗一段时间。
君子好逑四季春 ($38)
饮品甜度适中，百香果同柠檬味好香，好岩配啲咁浓味嘅食物，可以解腻。
餐厅放咗好多柠檬，成叠咁😂寒天有好多，不过口感系烟烟韧韧，同我印象中嘅寒天唔太一样😅，但味道系可以嘅。
食物味道一般，味道唔算出众，餐厅系走茶餐厅路线，唔系主打鸡煲，味道一定唔及外面鸡煲店惹味，抽风亦相对比较差，所以食完都系成身鸡煲味。
服务算唔错，职员几殷勤，不时会行过嚟睇下洗唔洗加汤、斟水。
不过唔系好抵食，只系叫咗3个配菜，加埋加埋，已经接近$300，出去食任食仲抵啲。
后来上网睇到其他人嘅食评，都系投拆餐厅嘅衞生问题🤮，直接放入无下次系列。
张贴
