奇趣燒鵝大王 (弼街)

营业中

休息中

太子行街行到肚饿，想揾野食，见到一间新开张嘅烧鹅，称自己系烧鹅大王，又有汤饮，咁就去试下啦…..可能新开张关系，啲阿姐唔太醒目，听到有人话落漏单，我地落单叫下午茶，想要汤，阿姐话下午茶无，一句就完，直至我地话另外叫，佢话$18咁就ok。烧鹅叉烧濑$43叉烧瘦过我个荷包，鞋过阿嬷块面，睇都睇得出，完全唔掂，烧鹅比左个脾，满心欢喜，但食落肉好散好少，完全无口感，更加系鞋又干好似叉烧咁，既唔香又唔嫩，肉部分无皮，有皮果啲位个皮又好淋，个粉完全无味。$18个汤好稀，沟左好多水嘅汤，仲有味精味，可以唔饮。另一个烧鹅濑$46，无双拼但份量同双拼嘅烧鹅差唔多，完全唔明。