屋台屋 (已結業)

三大一小入左去，叫左唔系好多野食，因为6点食完野，8点系食饭时间，所以同屋企坐下倾下计 2人餐（580左右）加两旧寿司，埋单750。本身都无乜野。750系正常四人既价～问题就在于点解应该600头既野食变左收750？原来佢一入去坐低杯茶，同埋前菜豉油碟size既中华沙律、同薯泥仔 系收左80几蚊😂其实呢个钱事少～但无问我地直接比左我地饮杯水同小食，话食住睇餐单啦～我地以为佢系standard会比，所以无留意。我地又有另外嗌野饮，所以其实杯水同小食系佢好似等我地唔觉唔觉咁～等如系去餐厅杯暖水咁一样，我地真系唔会下下问，系咪收费架？咁肉酸。系埋单先知要比钱，当时都无谓拗数啦。但食物真心一般，系望左餐牌好耐，都嗌唔落有咩特别果种普通menu。加上呢d唔声唔声加钱系张单既手法，我唔会再encore啰⋯