奇蹟拉麵 ミラクル

营业中

休息中

屯门名物，曾经卷入汤包扮自家熬制汤底风波，22年11月因为租约及人手不足结业，23年7月旺角重开。喺旺角行到六点都唔太肚饿，但怕夜啲多人食饭，决定带老婆食拉面。唔洗排队真系有啲意外，店员话墨鱼汤底卖晒，但就冇推介特制限定，好彩我望到啫！点解我咁讲？因为限定系我最爱嘅鸭拉面，仲要系豉油汤底，1秒已经做好选择，老婆就叫原味浓拉面。鸭肉好嫩但偏咸，蛋生熟做得好好但就冇乜味，面的软硬度都好啱我，整体都有85分。老婆猪骨汤好好味，唔会话好杰但味道十足，虽然冇问佢评价，但见佢好快成碗食晒，大概都估到碗嘢唔差。是日消费：鸭肉酱油拉面$108 原味浓汤拉面$86共 $194