Flames (黃埔天地)

营业中

休息中

今日同同事去黄埔Flames食嘢，本身同事好钟意呢间餐厅食物所以再次帮衬，同枱连我有三个同事冇㨂到half buffet，然后同事拎完half buffet 之后share咗一旧食物比另一位食，然后侍应上餐汤嘅时候发现同事只碟有食物碎屑，跟住就以审犯嘅态度加凌厉嘅眼神质问我同事食过咩，然后就话你冇拣half buffet 就唔可以食，你食咗就要比half buffet 钱，结果我哋有比返该同事嘅half buffet 钱。我明白道理的确喺餐厅方面，我哋理亏都明白，但原来偷食咗一旧食物嘅代价就系需要被审犯般迫宫兼认错，我谂我哋唔使被报警话诈骗或写悔过书已经万幸。而今日餐汤有怪味我哋更加唔应该有任何投诉，因为去到餐厅已经见识过度自动门会坏搅到个客走唔到，如果有咩唔满意我唔知会唔会需要被困直至认错，我谂呢啲道德标准咁高嘅餐厅真系唔太适合我哋呢啲贪小便宜嘅小巿民。