麵屋豚豚拍子 x 辛味屋 (已結業)

我同朋友去完西贡交游后，跟住去咗宝琳食晚饭，因为太肚饿嘅关系，所以谂住食个快靓正嘅餐，见到呢间个名几得意于是就入去试吓。我哋叫左个自选二人套餐，$228包左2个主食加3个小食！我哋拣咗招牌牛油拉面系面豉汤底，上面加左一片牛油，捞埋左都唔会太油腻但系汤底就有小小咸，拉面爽弹，整体都唔错。咖哩吉列猪扒饭啲猪扒有啲薄，但外皮就好脆，白饭底，上面包有一层滑蛋捞埋香浓咖哩汁同食好味。炸豆腐加上昆布汁，虽然唔系脆皮，但依然软滑，吸收咗D酱汁，几好食。自家制饺子外皮煎得香口，味道一般般，没什么特别。串烧鸡翼同鸡软骨系有啲惊喜，师傅烧得外脆内有肉汁唔会干身到鞋飒飒，本身无预佢有炭烧味，有真系bonus。整体上菜都算快，价钱又大众化，系一个唔错选择。