金沙日西料理 (已結業)

星期六去睇两点九，未够钟梗系要医肚食晏啦，因为我个人钟意食日本，所以我个friend就我去呢度食晏(未试过)，我点了拉面套餐，买相唔错：1.生菜沙律~ 有好似nuts果仁加埋D酸酸地汁都几开胃，唔错。2.刺身~ 一碟总共有四件唔知咩名的鱼生，size都几细，而且肉身都几实净，感觉唔多新鲜！3.蟹脚海鲜拉面~ 佢就标榜用猪骨做汤底，不过我食落就咩猪骨味都感觉唔到，味道淡，成碗面最好味都可能系蟹脚，其余都系D豪bb、虾仔、鱿鱼仔(几爽)咁啦！最主要拉面就煮得过淋！4.蒸蛋~ 有东菇粒，面头那层就较「鞋」，下面就较滑，味道不俗！5.雪糕~ 抹茶味，好味，不过太小了，比普遍雪糕球细一半！我朋友就叫个洋葱炒牛肉套餐，不过佢话D牛肉炒得太干，无食哂！既然其他网友提过D服务，我都想讲小小，因为我最后先食沙律，而我朋友已食完但食唔哂仲有D饭呀、呀碗度，个女侍应二话不说已经想放低杯雪糕，我即刻同佢讲话可唔可以食埋先，佢先无摆低，大佬呀，雪糕唔等得架，摆度食唔切融哂都唔揾边个食！咸面一个！但系食都算okay啦！60几蚊一个set lunch，话平唔平，虽则有多款食物，不过主菜(拉面同牛肉)要认真煮嘛！