影片
更多
2021-07-04
90 浏览
今日同屋企人嚟四点金食晚饭，叫左个套餐，平日$288 ，星期六日$308。三𩠌一汤 再送招牌蛋散一份 呢个价钱绝对相宜我地叫左杏汁炖白肺汤(呢个要加$20)， 卤水鹅拼盘，家乡煎蚝烙，海鲜类因为家人话系网上见过人推介捞海皇粉丝煲，所以就想叫呢个煲。我地问侍应姐姐个煲有啲咩，佢好似唔多知，求其答话有啲虾有啲元贝咁啦 ，虽然系咁，我地都照嗌咗呢个煲。啲𩠌菜好快上枱，应该厨房一早煮定哂。快到我吓亲落完单，侍应先返转头同我地讲今晚冇招牌蛋散，(其实一入餐厅时我地已经问左有冇蛋散先，佢地话有)，落完单先同我地讲话原来冇，就算你地真系唔知情，俾个客嘅感觉都唔太好，好似呃左人入嚟咁。希望餐厅系开晚市之前可以好好咁brief 下啲员工有冇啲咩餐牌写左嘅野其实个日系唔供应，唔好再咁样呃左人客坐低就转讲法之得架。好讲返野食第一样野就系个加钱嘅汤色泽不错，味道还好，冇个阵好黑人憎嘅杏仁味，已经好感恩。之后就嚟 卤水鹅拼盘其实个拼盘好一般，本身对个鹅肠好有期望，点知硬到咬唔到，失望。成碟拼盘系得个鹅片好少少。之后就上左个煲啦，睇图都见到，真系好多粉丝。所谓嘅虾同元贝细到得1cm 左右 🤣，真系吹胀。主要都系食
三𩠌一汤 再送招牌蛋散一份 呢个价钱绝对相宜
我地叫左杏汁炖白肺汤(呢个要加$20)， 卤水鹅拼盘，家乡煎蚝烙，海鲜类因为家人话系网上见过人推介捞海皇粉丝煲，所以就想叫呢个煲。我地问侍应姐姐个煲有啲咩，佢好似唔多知，求其答话有啲虾有啲元贝咁啦 ，虽然系咁，我地都照嗌咗呢个煲。
啲𩠌菜好快上枱，应该厨房一早煮定哂。快到我吓亲落完单，侍应先返转头同我地讲今晚冇招牌蛋散，(其实一入餐厅时我地已经问左有冇蛋散先，佢地话有)，落完单先同我地讲话原来冇，就算你地真系唔知情，俾个客嘅感觉都唔太好，好似呃左人入嚟咁。希望餐厅系开晚市之前可以好好咁brief 下啲员工有冇啲咩餐牌写左嘅野其实个日系唔供应，唔好再咁样呃左人客坐低就转讲法之得架。
好讲返野食
第一样野就系个加钱嘅汤
色泽不错，味道还好，冇个阵好黑人憎嘅杏仁味，已经好感恩。
之后就嚟 卤水鹅拼盘
其实个拼盘好一般，本身对个鹅肠好有期望，点知硬到咬唔到，失望。成碟拼盘系得个鹅片好少少。
之后就上左个煲啦，睇图都见到，真系好多粉丝。所谓嘅虾同元贝细到得1cm 左右 🤣，真系吹胀。主要都系食粉丝啰就系咁，同屋企人讲真系唔好过于相信网上啲冇相嘅评论，不过呢个时代，有图都未必有真相，都唔知有几多打手。
最后就系蚝饼啦：
正路嘅质素，其实呢碟已经系成个套餐稍为最正常嘅𩠌
冇左碟蛋散，送返碗绿豆沙我地，甜度尚可嘅。
最后，值得一赞嘅系楼面个位唔知知客定经理(黑衫个个)，佢超有礼貌(好com 捞)，唔该前多谢后。我地本身坐低左个个位原来冷气机滴水，佢见我地想转枱都冇觉得烦，服务态度系好嘅。
不过我都系希望有返碟蛋散先会嚟食了
张贴
