曜 (已結業)

拣咗时令的午市套餐，有包主食、前菜、茶碗蒸、鱼汤，味道好👍🏻值得推介～前菜系花胶果冻，卖相精致，果冻好有弹性，味道清新有趣～鱼汤呈现奶白色，饮落冇腥味，饮完成个口充满住鱼香及鲜味🤩蟹黄矶煮鲍鱼伴日本花山乌冬($268)店员介绍鲍鱼用咗鲍鱼肝去煮，好香而且肉质唔韧好爽口～而蟹肉系由松叶蟹、毛蟹、大闸蟹制成，好多蟹肉蟹膏，蟹味非常浓郁😋😋 花山乌冬较特别，阔5cm，夹起身较顺滑，食落有少少烟韧；捞埋蟹肉食好奢华嘅感觉😆茶碗蒸又系好好味，蒸蛋超级嫩滑有蛋香，连埋一丝丝嘅蟹肉一齐食非常鲜甜🤤，再加埋底层嘅栗子蓉食，口感丰富～