影片
更多
2013-10-19
1953 浏览
讲起awfully chocolate，记得第一印象喺佢个疑似「监狱」门面，仲要得几款样样衰衰、岩岩巉巉嘅朱古力味蛋糕，以前仲只盘据晌港岛区。依家就好似变化好大咁，港岛区无晒店铺，家下只得番九龙区两间分店，铺面亦较以往似番间饼店，只喺少咗啲个性，但产品就多元化咗好多！讲开产品，3款招牌朱古力蛋糕无疑确喺出色，尤其Chocolate Banana，小弟就认为喺最好。发展至今，唔觉唔觉推出多款细件装蛋糕及甜点，今晚，老婆拣咗两款作为饭后甜品。Oreo Truffles $49外型黑黑实实，奥利奥松露朱古力饼，顾名思义就知佢喺奥利奥朱古力饼搭松露朱古力嘅组合。下层奥利奥朱古力饼做嘅饼底，比起用消化饼便当然带著浓香朱古力味，而上层喺松露朱古力，极之软身柔滑，朱古力味超浓郁，$49实在唔平，但若然你喺朱古力死硬粉丝，边会觉得佢贵吖！Chocolate Apple Frangipane Tart $55小弟一向都喜欢食苹果批，就算久啱久食吓麦记嘅都开心满足架，哈哈，我做人好易知足嘛，所以，对件挞都好有期望。外层唔喺一般果挞嘅牛油皮，喺酥皮嚟，宁舍富牛油香，不过又唔算好松脆，唔似依丹麦酥嘅口感，感觉
讲开产品，3款招牌朱古力蛋糕无疑确喺出色，尤其Chocolate Banana，小弟就认为喺最好。发展至今，唔觉唔觉推出多款细件装蛋糕及甜点，今晚，老婆拣咗两款作为饭后甜品。
Oreo Truffles $49外型黑黑实实，奥利奥松露朱古力饼，顾名思义就知佢喺奥利奥朱古力饼搭松露朱古力嘅组合。下层奥利奥朱古力饼做嘅饼底，比起用消化饼便当然带著浓香朱古力味，而上层喺松露朱古力，极之软身柔滑，朱古力味超浓郁，$49实在唔平，但若然你喺朱古力死硬粉丝，边会觉得佢贵吖！
Chocolate Apple Frangipane Tart $55小弟一向都喜欢食苹果批，就算久啱久食吓麦记嘅都开心满足架，哈哈，我做人好易知足嘛，所以，对件挞都好有期望。外层唔喺一般果挞嘅牛油皮，喺酥皮嚟，宁舍富牛油香，不过又唔算好松脆，唔似依丹麦酥嘅口感，感觉总喺差啲差啲，而中间填满朱古力杏仁浆，再加几片青苹果，朱古力浆香甜软滑，似乎杏仁味未太突出，青苹果片则清甜芳香，整体称唔上超水准，但仍然喺一件不俗嘅甜点。
awfully嘅产品著实唔平，食两件饼都已经成百银，比起晌高级酒店嘅饼店所卖嘅件装蛋糕仲要贵，所以，多谢晒老婆咁大手笔呀！
张贴
