Zakka (已結業)

咁啱去左奥海城，又想食下日式料理。行到三期见地下有间几多人食既日式食店，就落左去试下。店入面都几多位，系去收银买完飞，然后有专人送菜既形式。Dinner既选择ok多，价钱以呢区黎讲唔算特别平。我叫左炸鸡件、日式咖喱蛋包饭，紫薯latte同埋加左薯条。MenuMenu食物合照炸鸡望落好干，但系食落又完全唔同，外皮脆身，肉质ok唔会太干。蛋都几滑，饭既份量都几多。上面仲有d芝士，好香。咖喱汁略嫌唔够多，唔够我捞饭食但系咖喱味都ok，正常既日式咖喱，少少甜，唔会太辣。薯条系粗身果种，好新鲜好热，脆少少会好味d。紫薯latte都唔错，饮到d紫薯蓉，都几香几好饮。整体黎讲，店内环境唔错几好坐。不过近门口既话可能会比较大风，冬天黎既话要注意一下。店员几有礼貌，野食质素都唔错。不失为奥海城一个日式野食既选择。