十二味貴陽牛肉粉 (已結業)

今日放工约咗朋友叙旧去奥海城一间新餐厅食饭，餐厅叫做十二味贵阳牛肉粉！朋友话想坐室外因为呢排天气都唔错几舒服。好，讲返食物先，我叫左一个清炖牛肉粉，味道都唔错，而且食得出个汤底唔似出面食𠮶啲味精汤底咁，应该系厨房师傅都用左唔少心机时间同啲原材料去整出嚟嘅，汤底食得出有牛骨嘅味道，汤底唔算太浓，配上米线食都唔系一个唔错嘅配搭。而且枱面都有唔同嘅调味料可以自由配搭例如有一啲麻粉辣粉等，方便调教自己个人嘅口味，另外牛肉味道都唔错有牛肉味而且肉身都几滑口！另外我仲同朋友夹左几个小食，其中红油木耳最为突出，红油木耳酸酸地又有少少辣食完几开胃仲有我哋叫咗个手撕鸡，都唔错有少少辣，而且手撕鸡食落都几有口感唔会去一嚿嚿咁样有时想约几个朋友叙旧倾吓计其实都可以去返呢度食嘢因为室外个环境几舒服几好挫