OUC……

营业中

休息中

偶然发现一间喺奥运饮酒食野嘅好地方。食物款式非常之多，小至日式烧物炸物刺身，大至西试牛扒猪扒烧鸡都有。叫左份脆炸鸡翼（是拉差酱）$68辣辣地，炸得够脆送嘢饮一流。推介烧鸡软骨 （$48 两串）烧得香口，微微烧焦味，咸咸地，配埋沙拉酱好正。主食叫左三份卡邦尼意粉$108油腻感满满，烟肉炸得香脆可口，咸香十足，意粉偏硬身，正中我喜好带子三文鱼籽黑松露忌廉汁扁意粉 $138带子大大粒，用牛油煎到表皮小脆，肉质厚实。 三文鱼子份量都多，配埋黑松露忌廉汁， 非常creamy,好食！香草牛油烤法国无激素春鸡配薯条炒杂菜 $198薯条杂菜份量非常之多，炒杂菜除咗椰菜花菇，竟然仲有秋葵， 真系估佢唔到。 烤鸡就正常发挥。身为蚂蚁人，每餐都想食甜品拣左个未试过嘅玫瑰香槟果冻 $88外表好靓，好有美女与野兽嘅feel, 玫瑰花瓣同金黄色果冻感觉高雅。食落都重香槟味， 唔会太甜，算系一道轻盈嘅甜品。