果子｜海南雞飯·喇沙摻摻 外賣專門店

营业中

休息中

今日去左朋友屋企玩要叫外卖食，咁岩近期都比较想食番啲东南亚风味嘅野，就拣咗呢一间果子|海南鸡饭•喇沙掺掺。其实最主要系见到佢个蓝蝶花椰浆饭嘅颜色而吸引左。我系叫自选三𩠌再加蓝蝶花椰浆饭，呢一个饭同普通嘅饭嘅味道有所不同，渗透著淡淡的椰浆味，单独咁食都已经好好味。三𩠌我分别拣咗鲜虾，炸鸡同牛肉串烧。而我最钟意食系佢嘅牛肉串烧，佢个牛肉烧到岩岩好弹牙嘅口感再加埋个沙爹酱，劲入味，超惹味。啲朋友叫嘅海鲜喇沙掺掺，喇沙汤底嘅味道一流，唔会好油腻，味道浓郁加埋掺掺面底都好好食。加上你一间外卖嘅价钱都好合理，食物嘅份量都足够，非常值得推荐。