釜之魂釜飯專門店 (淘大商場) (已結業)

以前成日去德福揾亲戚食野，都无食过依间日本餐厅，佢出面个装修都好靓，用木筑成，未入去已经好feel到系日本野。我同妹妹去食个tea，必叫既一定系佢个金魂鳗鱼釜饭，劲出名，而且一啲都无令我地失望，我自己仲要超中意食鳗鱼，日日食都唔厌，一摆入口就知系靓既鳗鱼，甜得黎又唔会抢咗鳗鱼本身既味道，口感软林林，唔会有小骨，有啲似上次去大板食果个鳗鱼饭咁，简直系少见既鳗鱼低调高手！最值得一赞系佢啲饭可以保持到温度，因为用木系最外，热力可以系食完乌冬之后都仲食到啲饭同鳗鱼暖暖地。跟鳗鱼饭餐配野饮，拣咗冻柚子蜜，一开始饮会觉得多冰，反而后尾饮饮下同埋桔多几下，啲柚子味又出返黎，唔错！而猪软骨乌冬都好食，佢用既系稻庭乌冬，相比起普通乌冬扁身啲，我就好中意！不过再热少少会更好。讲到佢啲小食，其实我觉得好多都好鬼特别，例如系脏脏炸香蕉同埋溏心烧菠萝，不过我地就叫咗另外两样。听个名都觉特别既「梅干手羽先」，其实即系鸡翼，不过系有梅味既鸡翼，酸酸甜甜，又开胃，正。仲有又系我最爱，排第2既玉子，依个叫做串烧玉子，最得意系第一啖食落好似西多士，因为表面果层蛋烧到金黄色，又甜甜地，真系一种价钱两种口味，好过隐🤣