影片
更多
2022-11-26
107 浏览
.成班同事难得夹到假期岀黎食饭，OpenRice左好耐，有人提议食呢间，又有人话想试好耐，咁就梗系最好啦！一入门口就比一大片花海包围住，成个天花板都系干花，仲有好靓打卡able既壁画😍😍，不时都有人疯狂影相打卡。望左个set menu一阵，谂紧究竟包唔包野饮既时候，个店员就行埋黎解答系包任何价钱既野饮的，铺头细细就有呢个好处，店员仲好friendly会帮客人打卡。四人Set $1298 💛 是日餐汤+面包面包松软，但餐汤蘑菇味不太重，略嫌有啲稀薄💛前菜 （四拣二）我地拣左水牛芝士蕃茄沙律同意色巴马火腿烤茄沙律，两款写到蕃茄好似一个有烤过另一款无，不过都好似差唔多🤣🤣呢两样嘢令到我对餐厅有啲失望，但系后面系有挽回唔少既分数，一样比一样好味！💛头盘 包括日式三文鱼籽蟹肉多士四件同巴马火腿迷你薄饼。个蟹肉多士够脆身，feel到个蟹肉冻冻地都无倒汗水整腍到个多士系几好既，蟹肉上面除左大大粒三文鱼籽，仲有啲蟹籽粒提升口感。巴马火腿迷你薄饼正常水平，够多芝士可以拉晒丝咁，几邪恶既🤪💛意粉&意大利饭 （四拣二）我地拣左明太子岩烧蟹棒猫耳朵同埋北海道帆立贝海胆酱扁意粉纯粹个人喜好，我系猫耳朵既忠粉，m
成班同事难得夹到假期岀黎食饭，OpenRice左好耐，有人提议食呢间，又有人话想试好耐，咁就梗系最好啦！
一入门口就比一大片花海包围住，成个天花板都系干花，仲有好靓打卡able既壁画😍😍，不时都有人疯狂影相打卡。望左个set menu一阵，谂紧究竟包唔包野饮既时候，个店员就行埋黎解答系包任何价钱既野饮的，铺头细细就有呢个好处，店员仲好friendly会帮客人打卡。
四人Set $1298
💛 是日餐汤+面包
面包松软，但餐汤蘑菇味不太重，略嫌有啲稀薄
💛前菜 （四拣二）
我地拣左水牛芝士蕃茄沙律同意色巴马火腿烤茄沙律，两款写到蕃茄好似一个有烤过另一款无，不过都好似差唔多🤣🤣
呢两样嘢令到我对餐厅有啲失望，但系后面系有挽回唔少既分数，一样比一样好味！
💛头盘
包括日式三文鱼籽蟹肉多士四件同巴马火腿迷你薄饼。个蟹肉多士够脆身，feel到个蟹肉冻冻地都无倒汗水整腍到个多士系几好既，蟹肉上面除左大大粒三文鱼籽，仲有啲蟹籽粒提升口感。巴马火腿迷你薄饼正常水平，够多芝士可以拉晒丝咁，几邪恶既🤪
💛意粉&意大利饭 （四拣二）
我地拣左明太子岩烧蟹棒猫耳朵同埋北海道帆立贝海胆酱扁意粉
纯粹个人喜好，我系猫耳朵既忠粉，menu上面有我十成九都叫，因为钟意佢软糯既口感，烟靭又弹口，佢系完全fulfill到晒既。上面既蟹棒烧过有炙烧既风味几好🤤🤤
个扁意粉拎上枱既时候用左个大石碗，厚实又有分量，令你充满期待，而北海道帆立贝大大只系面头再加埋鲣鱼片飞下飞下，即刻食指大动👍🏽👍🏽
💛主菜 （四拣二）
我地拣左香煎挪威三文鱼拼大虾配阿根廷香辣酱同埋慢煮纽西兰羊架都系配阿根廷香辣酱
睇返menu先知原来两样都加左同一个酱，好在个酱唔系好辣，反而系令到三文鱼同个羊架既香气同味道都突显岀黎。份三文鱼啲鱼油令到个肉质好嫩滑又好juicy，系岀边餐厅食黎讲，我觉得都可以排入top five👑。仲有个底既薯蓉几好味，smooth得黎唔会好漏。
💛甜品
宇治抹茶红豆自家窝夫，红豆多到好似唔使钱咁，泻到一碟都系。窝夫暖粒粒又香喷喷，配抹茶雪糕同红豆简直系暖心又sweet sweet既组合😍😍😍
💛饮品
自家制草莓酱梳打，红宝石巧克力，柚香菠萝柠檬梳打，玫瑰抹茶，我啲fd仲特登排到三杯野饮放埋一齐就好似红绿灯咁，又可以靓靓打下卡，又好饮。
总括而言，有靓靓打卡背影，又有少女心饮品，连姨姨级都识约到黎，你地唔系唔识呀嘛🤪
🤤餐厅: 走过十万八千里找到你
📍地址: 旺角弥敦道575号Ladder Dundas10楼
💎人均消费: $300-400
必食推介: ⭐️⭐️⭐️⭐️
#hmmmeatwhat西餐 #hmmmeatwhat旺角 #hkfoodie #hkfoodie #食好西 #美食 #美食推介
明太子岩烧蟹棒猫耳朵
9 浏览
0 赞好
0 留言
香煎挪威三文鱼拼大虾配阿根廷香辣酱
5 浏览
0 赞好
0 留言
慢煮纽西兰羊架都系配阿根廷香辣酱
7 浏览
0 赞好
0 留言
宇治抹茶红豆自家窝夫
22 浏览
0 赞好
0 留言
北海道帆立贝海胆酱扁意粉
8 浏览
0 赞好
0 留言
张贴
