蛇王兄 (已搬遷) 新店位置

蛇油鸡饭一碗，搞错呀 ﹗食左十次都系鸡翼，1 次鸡髀都从未试过呀 ﹗哗 ﹗鸡髀出现喇，我第一次见乍 ﹗对面两条女居然都有鸡髀食？﹗斩鸡位大粒墨肥叔叔，您系咪咁偏心呀？﹗我话晒都个个月帮衬几次架㖞 ﹗下次我 order 半只蛇油鸡饭，睇您仲比唔比鸡髀我食 ﹗今次又系鸡翼，算数，食左先讲。鸡翼斜斩真系唔多好呢，虽然睇落靓好多，但真系危险架，咁尖 ﹗食既时候要特别小心，唔好插亲喉咙同个咀呀，鸡中翼唔洗斩啦。鸡翼皮香肉嫩，都好滑，加上浓郁香甜既蛇油，梗系好食啦 ﹗白饭索尽蛇油，咸香突出，好正 ﹗蛇汤细，高质香甜味美热辣辣，边有得输呀 ﹗今晚超高水平，大赞 ﹗饭羮汤都非常美味，最鬼衰鸡翼啰 ﹗蛇羮细，今晚居然全院满座㖞，天气冻系唔同啲，食物去得快，出品新鲜啲又好味啲 ﹗蛇羮极鲜甜，完全唔需要加任何调味料，胡椒粉、浙醋、柠檬叶通通都唔洗用 ﹗可遇不可求啦。质感厚薄适中，足料啖啖蛇肉，好好味呀 ﹗最初谂住食碗鸡饭连蛇汤 HKD55 蚊够喇，食食下又似乎唔多够饱，唯有转 96 蚊个鸡饭蛇汤蛇羮餐啦 ﹗老板当我散叫企图收多我 6 蚊，我都唔系傻架，间中都识计数架。