影片
更多
2009-06-26
21 浏览
虽然好耐无嚟过，但咁啱同两个朋友去海港城，就去呢间麻布茶房开餐。叫咗三个set，等咗好耐，突然一个负责㕑房部的男士（即系唔suppose上菜的职员）将一碟野放咗响我地枱面,碟野系咩又唔讲，又唔比餐具。我以往响呢度叫set，都系所有𩠌菜饭前菜准备好一齐上，你有几时见过叫套餐时会先上碟𩠌，然后过二十分钟先比碗白饭你吖？结果我叫咗个女侍应问点解唔系一set野上，又唔比餐具时，佢竟然白咗我一眼（千真万确，仲要附送「无你咁好气」的表情），然后好晦气咁话：咁我拎餐具比你嘞！我当时真系呆一呆，过无几耐佢拎啲餐具嚟系用力地晦气地掉在桌上，然后头也不回走开。之后我特别留意个位女侍应，发现佢对个个客都系咁差，比张单人地时又会求其放在枱上，个人企到斜晒，好似唔想捞咁。之后我发现成间餐厅都无乜边个服务好，有个男主任，有个客叫佢快啲上甜品，因为赶时间睇戏，佢竟然用呼喝的语气话：我依家上甜品比你啰！好彩个客系弱质女流，比我真系会闹爆佢！之后上甜品（系一个以红豆作卖点的雪糕），我地发现啲红豆系咸既，仲净系得４粒，于是叫个位女侍应(好不幸地总是遇到她)问一问，她即时的反应是：即系想换过喇！好似我地想呃佢食多碗咁！佢讲
叫咗三个set，等咗好耐，突然一个负责㕑房部的男士（即系唔suppose上菜的职员）将一碟野放咗响我地枱面,碟野系咩又唔讲，又唔比餐具。
我以往响呢度叫set，都系所有𩠌菜饭前菜准备好一齐上，你有几时见过叫套餐时会先上碟𩠌，然后过二十分钟先比碗白饭你吖？结果我叫咗个女侍应问点解唔系一set野上，又唔比餐具时，佢竟然白咗我一眼（千真万确，仲要附送「无你咁好气」的表情），然后好晦气咁话：咁我拎餐具比你嘞！
我当时真系呆一呆，过无几耐佢拎啲餐具嚟系用力地晦气地掉在桌上，然后头也不回走开。之后我特别留意个位女侍应，发现佢对个个客都系咁差，比张单人地时又会求其放在枱上，个人企到斜晒，好似唔想捞咁。之后我发现成间餐厅都无乜边个服务好，有个男主任，有个客叫佢快啲上甜品，因为赶时间睇戏，佢竟然用呼喝的语气话：我依家上甜品比你啰！好彩个客系弱质女流，比我真系会闹爆佢！
之后上甜品（系一个以红豆作卖点的雪糕），我地发现啲红豆系咸既，仲净系得４粒，于是叫个位女侍应(好不幸地总是遇到她)问一问，她即时的反应是：即系想换过喇！好似我地想呃佢食多碗咁！佢讲完就转身话帮我地问吓，之后佢回应系：个啲系碗豆嚟！咁我即刻问：咁啲红豆呢？佢好似唔想回应咁，我唯有再强调：menu系写明有red bean，之后佢又好晦气咁拎走碗野，再慌死我唔知咁、明显地白咗我一眼，转身就走！！！！！！过咗一阵，果位态度好差既主任拎住本menu，叫我地自己查吓！我一打开，明明写住red bean paste，我就问啲paste呢，佢话系一个豆沙球，我话：根本碗野嚟既时候就无豆沙球，之后位主任竟然好无智慧咁话，咁我加番个球比你啰！我真系谷到爆，碗野一早收咗入去，仲要系雪糕，搅咗咁耐先话加番个球落去？我就回覆：你换个碗比我喇！然后就同佢讲你地全间餐厅啲service好差，特别系个位女侍应。结果佢都无乜反应，静系讲句唔好意思就走人。
之后我听见个女侍应同主任细声讲大声笑，之后个女侍应仲摆到明响我地面前同另一个侍应讲：我唔serve呢枱，啱啱投诉完，你搅掂佢！！！哗！一个侍应比个客投诉，主任唔责罚之余仲可以细声讲大声笑，仲可以肆无忌惮咁点其他侍应serve佢唔喜爱的客，成间餐厅management之差，主任公然包庇，真系令人惊讶！！！
经济不景，大家唔系更应该做好份工，保住饭碗，开得门做生意既唔系会努力确保服务食物质素，保持竞争力咩？呢间以前好出名的日式甜品餐厅，沦落至此，实在令人感叹！而我亦决定成全麻布茶房，以后唔再帮衬！
张贴