紅茶冰室

营业中

休息中

平日我冇写食评，但今次帮衬嘅经验极度恶劣忍唔住要上嚟写!星期三晏昼十二点三左右谂住入去食个快嘅午餐，带位嘅安排我搭枱，呢个冇问题反正繁忙时间预咗。点知一坐低有个女服务员一粒声都唔出拎住个餐牌啪啪声放喺我枱面乜都唔讲，咁系咪个意思系叫我自己睇餐牌?!个餐牌烂容容都算，我其实系谂住睇下有冇午餐之类或同埋望下枱面上面块玻璃摄住咗𠮶个餐牌仲有啲乜嘢食，点知有个好恶嘅女侍应(应该系同一个人)即刻走埋嚟话未写晒喺个餐牌度啰!我都吓一吓我心谂我系嚟食饭唔系嚟畀你个八婆话嘅!我望下枱面块玻璃下面歺牌啲字都唔得咩?相反我见到佢招呼六七八个讲国语嘅大陆旅客就非常之有耐性咁解释个餐牌，仲推介佢食乜嘢!岂有此理!我知你哋系网红店大把大陆人嚟打卡唔忧做，但系你咁对本地客，呢啲系乜嘢服务态度呀?仲有一样，后来隔离几张枱各自搭咗个单身男人，呢位阿姐都有同人讲叫佢睇餐牌嗌嘢食，大家都系嗌𠮶啲午餐常餐，都系帮衬咁上下咁多钱，点解个女侍应要走嚟咁恶对我?你咁唔钟意做生意唔好做侍应啦!油麻地呢间分店永远唔会再帮衬!你哋咁钟意招呼大陆客，呼吁香港人就唔好去食呢间嘢!