影片
更多
2022-01-27
248 浏览
第一次去女仆cafe，同frd两丁友一齐去，意外咁有唔错嘅体验。个frd话香港原来都有女仆cafe，于是决定去体验一下。喺ig上面search下有边间cafe，见到呢间cafe嘅ig，嘢食嘅卖相同埋女仆妹妹嘅相都觉得唔错，于是决定嚟呢一间cafe试下，体验女仆嘅文化。开头揾间舖头，的确系几难揾同frd都兜咗几转先揾到栋嘢嘅入口。上到去，女仆听到有lift嘅声即刻就过嚟门口迎接我哋，服务都唔错，而且都几Q。入到去，环境虽然唔大，但系唔会好焗，都几通风下，会播住音乐咁，真系几有女仆餐厅嘅feel。－女仆会同我哋介绍咗佢自己，然后再介绍餐牌，嘢食睇落唔算太平又唔算太贵，我同我个frd睇咗一阵，就落单。到落嘢啦，呢度系要摇铃铛咁呼唤啲女仆嘅，啲女仆又真系随传随到，唔会要我哋等好耐，将女仆呢个身份做得好好，服务好好。我就叫咗个番茄肉肠意粉同女仆特调，我个frd就叫咗个咖哩鸡扒饭同饮品餐。啲嘢食都几快到，厨师都即叫即煮，煮𠮶阵嘢食嘅香味真系令人忍唔住流晒口水我同我个frd啲嘢饮到咗，女仆会施魔法，系传统日式女仆cafe不可或缺嘅环节，个饭到咗，都会再施，女仆真系好萌，好有日系嘅可爱女仆feel，都
意外咁有唔错嘅体验。
个frd话香港原来都有女仆cafe，于是决定去体验一下。
喺ig上面search下有边间cafe，见到呢间cafe嘅ig，
嘢食嘅卖相同埋女仆妹妹嘅相都觉得唔错，
于是决定嚟呢一间cafe试下，体验女仆嘅文化。
开头揾间舖头，的确系几难揾
同frd都兜咗几转先揾到栋嘢嘅入口。
上到去，女仆听到有lift嘅声即刻就过嚟门口迎接我哋，服务都唔错，而且都几Q。
入到去，环境虽然唔大，但系唔会好焗，都几通风下，会播住音乐咁，真系几有女仆餐厅嘅feel。
－
女仆会同我哋介绍咗佢自己，然后再介绍餐牌，嘢食睇落唔算太平又唔算太贵，我同我个frd睇咗一阵，就落单。
到落嘢啦，呢度系要摇铃铛咁呼唤啲女仆嘅，啲女仆又真系随传随到，唔会要我哋等好耐，将女仆呢个身份做得好好，服务好好。
我就叫咗个番茄肉肠意粉同女仆特调，我个frd就叫咗个咖哩鸡扒饭同饮品餐。
啲嘢食都几快到，厨师都即叫即煮，煮𠮶阵嘢食嘅香味真系令人忍唔住流晒口水
我同我个frd啲嘢饮到咗，女仆会施魔法，系传统日式女仆cafe不可或缺嘅环节，个饭到咗，都会再施，女仆真系好萌，好有日系嘅可爱女仆feel，都几唔错。
嘢饮系薄荷朱古力牛奶，对于我嚟讲，杯饮品冲得唔错，佢啲奶唔似奶粉，而系真系用牛奶冲，薄荷糖浆同朱古力甜度啱啱好，都几正点。
至于啲嘢食，整体都几ok。我叫嘅意粉份量虽然睇落唔多，但食落都几有饱足感，番茄味足，热辣辣，都几正。我个frd嘅咖哩鸡就唔洗讲，卖相一流，搞到我忍唔住挞咗旧嚟食，啲鸡嘅蜜糖味真系顶唔顺超级正，我下次去一定会叫佢嚟食！
食晒啲饭，我就叫咗个甜品同frd分住食，我哋叫咗个士多啤梨pancake，估唔到份量都几多，我哋两个食都几饱下，佢pancake上面有士多啤梨，个cake都热辣辣，衬埋冰凉嘅香草雪糕，真系几唔错下！
最后我哋都有同可爱嘅女仆影相，即系影cheki，一张价钱都唔算贵，我地去𠮶阵就系30蚊，而我个frd叫嘅饮品就包埋相劵。女仆嘅服务态度都唔错，好nice，走𠮶阵仲会行过嚟say byebye，好可爱。
下次去cafe都会再嚟Sugar Factory Cafe，真心唔错，几推荐想体验下女仆cafe嘅人嚟！
16 浏览
0 赞好
0 留言
张贴
