和拉麵

营业中

休息中

通常住个区都唔觉有咩好食，今次揾到间隐蔽嘅拉面黎个女子会。餐厅好有日本嘅风味，播住经典嘅日文歌，好似去咗日本咁🙈餐厅有三种汤底的拉面选择，我同朋友拣咗味噌同猪骨汤底，另外一款系辛辣味，落单要填纸仔，按自己需要选择面嘅软硬度、汤嘅浓淡度、要唔要蒜或葱，另外可以追加配料。店员好细心地提醒拉面本身附送咗半只溏心蛋，只蛋真系几好食😋好少地方有得食味噌拉面，有我一定叫！好浓郁啊个汤底，唔会好咸，但无食开重口味嘅可以试猪骨汤底，清清地，无咁”漏”。两个拉面都有两块叉烧，叉烧爽口唔太干，烧起黎有一份焦香味，重点系唔肥，唔会阻住我食个面。店员上拉面时有特别介绍配菜微辣芽菜，加入拉面会带岀拉面另一个味道，一定要加入去试下。另外有叫芝士玉子烧，唔系好食得到有芝士味，但玉子烧上涂上蛋黄酱再加埋木鱼丝，带岀玉子烧更和风嘅味道。好似欠缺咗蔬菜㖞，叫咗野菜天妇罗减低食拉面嘅罪悪感🤣。呢个天妇罗最特别系有紫薯同秋葵，两样都系健康食物，紫薯食落唔太甜但有淡淡嘅香味，好有惊喜👍🏻另外佢有附上萝卜蓉放在天妇罗的酱汁上，食个阵唔会好油。