初味 (已搬遷) 新店位置

每次出街最烦就系谂食乜…几个男仔食饭其实就无乜讲究既，最紧要食得饱，又可以吹水。每次同女朋友食烦就系我最烦恼既时候，特别系Ｄspecial day，食咩又话你拣啦，拣得唔好又会话我无planning。上星期系anniversary, 今次佢就讲明要食西餐，始终西餐就有格调Ｄ， romantic D。下午我地去左坐摩天轮，之后去天后食呢间初味．Bistro.上网睇过呢度系创意fusion多国菜，应该可以满足三心二意既佢。主菜叫左烧波士顿龙虾扁意粉配龙虾汁。意粉系用龙虾汤为汤底煮熟意粉。龙虾汤够creamy，Linguine煮既硬度刚刚好索晒Ｄ龙虾汁，香浓入味。波士顿龙虾虽然唔系成只，但系啖啖肉，肉质阵牙，都几新鲜。我就要左流心蛋海胆意大利饭。无谂过意大利饭可以配海胆，而味道出奇地夹，唔会觉得好腻。意大利饭既汁同左海胆煮成，意大利饭充满左浓郁嘅海胆香味。只卖$188,　价钱好抵食，如果系海胆迷一定要试下。两个人食下野，倾下计，气氛一流。女朋友都相当满意，总算交倒功课！