Burger Jobs (已結業)

今日男朋友仔话想食burger，咁就试下呢间啦！其实都留意左佢一阵，主要当然系俾佢既 Tiffany Blue 嘅包包吸引左啦！我谂好多女仔都系同一个原因黎呢度～ 佢个presentation同一般嘅burger唔同，唔会只系用碟上，而系用一个透明胶架装沙律同薯角。薯角仲有一个印左Burger Jobs字眼嘅纸杯装住，睇得出佢喺摆盘上有花过心思。但堂食都全部用胶杯丶纸托又系有d唔太环保。讲返食物方面，我想讲真系好足料，超超超大份，我自己一个人都食唔晒成个餐。配菜用左薯角而唔系薯条，我中意！沙律就无特别啦。主角系大大块流心鸡扒burger，咬到中间d芝士真系爆出黎嫁。Tiffany Blue嘅burger，其实唔系有特别口味，只系染色。我几中意呢只色，但男朋友仔就话蓝色嘅色有d恐怖，所以佢叫左比较普通嘅三重芝士汉堡，都一样唔错嘅。最后佢仲有准备埋湿纸巾俾你抹手，呢点算系贴心嘅！