Victorian Rose Tea Room (已結業)

好朋友生日，三个女仔一齐去叹个下午茶。Victorian Rose Tearoom 的环境真系靓到哗哗声，就连Waiters 的衣著都好讲究。早两日book, 安排左靠近窗边的一张4人枱，每枱之间的空间都好阔落，布置得咁好，相信大部份的女孩子都会好喜欢。餐具未去到好华丽，但精致。我地叫左3个tea sets, 随餐有饮品，我地分别叫左玫瑰花茶，玫瑰朱古力 & 焦糖咖啡。选择其实都几多，味道都好唔错，用心冲制。Tea Sets 部份，大家有睇过报道或者上网search 过都会知所有甜品的构思都系出自一位妈妈。我个人欣赏所有食物，无论咸点甜点除左睇得，亦都好食得，并唔系虚有其表。Waiter 会主动介绍当日的highlight dish, 当日我地架上的柚子戚风蛋糕，系由主厨亲自将新鲜柚子取肉，再造成果酱，放入蛋糕，味道同用现成的柚子酱唔同，系比较清新，同无咁甜。有得食，都有得玩，Tearoom 预备左d 头饰&道具，大家可以尝试下做Queen 或者 Princess high tea 的滋味，在场真系有唔少人好享受呢个体验ga, 至少我个朋友好满足☺️