雲海滙

营业中

休息中

1:30左右黎到酒楼饮茶，叫左个四宝饭先因为阿爷肚饿。然后差唔到2:00职员就放左叠下午茶纸，我就画左4个点心啦比个女经理啦，点知个女经理话：你系呢张台啊，唔叫得。然后我话要等到2:00正先可以？佢话系你呢张台唔叫得。请问咩意思呢？我呢张台唔叫得系指下午茶要2:00打后入座既人先叫得？如果系咁，1 你无同我解释清楚；2 你就唔好放下午茶纸系我台度令人误会啦；3 我未见过有酒楼好似云海汇咁唔比人叫下午茶。 最后我当然就唔继续帮衬啦，就一个饭+茶位费走人，个酒楼有钱都唔赚都几好笑，多得个女经理。如果唔系贪唔洗等位，我一向都系去开富昌邨个间半岛渔港。经过呢次，云海汇以后唔会再黎，拉入黑名单！老板睇到既话检讨下自己既员工培训同经营手法。