辛安東元祖奶奶雞 (已結業)

賴生同屈小姐既神秘約會最後一站 - 辛安東元祖奶奶雞! 賴生好邪惡，帶減緊肥既屈小姐食邪惡野 (不過難得拍拖拖，仲要係賴生精心安排，食少少唔緊要嘅好似係)由於辛安東3周年啦，多款奶奶雞做緊半價! 所以賴生捉左屈小姐黎! 食過2次，最好食係芝士奶奶雞! 識食一定要叫加左芝士既! 今次黎專登試埋個黑松露芝士奶奶雞味道一樣咁有驚喜! 叫埋小辣食! 芝士x黑松露x小小辣味令到隻雞勁惹味! 最好味既…係入面既薯粉，條條彈口得黎…又吸晒成個雞既味道…我同屈小姐都覺得…如果佢有得追加薯粉就正啦! 食完呢個之後，我地覺得食辛安東，一定要食芝士/黑松露芝士! 最惹味! 味道層次最豐富，缺點係較邪惡!今次我地本身想叫個牛肋骨煲嫁，冇左,我地叫左個柚子雜菌沙律… ! 又唔錯喎! d菇事先炒過調左味，超滑超好食，再配埋沙律菜…健康得黎又好味，但如果佢可以落少dd沙律醬就更好!不過呢…唔知係咪因為做緊半價，個雞份量少左，有d唔夠飽