影片
更多
2023-02-06
338 浏览
作为Burger同芝士爱好者，偶尔就想食邪恶美式快餐。本来为了拉丝芝士治而来，但令我惊喜嘅竟然系奶昔！难怪店名叫no milkshake no life。石塘咀店较细，大概坐到3-4台，店外有位但不多，食饭时间可能要等下位。\\\ 点餐 \\\►焙茶奶昔 $69花生酱、加烟肉碎嘅奶昔响其他店饮过，所以毫不犹豫地拣咗呢个少见嘅焙茶味奶昔。个人其实唔算特别钟意奶昔，但饮呢杯第一啖已经觉得正！佢嘅浓稠度调得刚刚好，打得好均匀，饮起嚟好顺滑，唔会有碎冰感，最重要唔会太甜太腻，入口有浓浓的奶味及烘焙茶香。►抹茶绿茶奶昔 $59友人点了绿茶奶昔，一样好饮，绿茶味甘香而不苦，相对焙茶味会清一点。►滋味芝牛治 $88三文治嘅包炸脆咗，偏硬身，夹住微辣牛肉碎馅，加上热熔芝士拉丝，口感似芝士肉酱意粉走意粉。►和牛芝士汉堡配芝士薯条 $139 +$10 原餐配香辣薯条，需加钱改为芝士薯条+$10 加太阳蛋面包烘到微脆内软，有生菜、蕃茄，而汉堡重点嘅𠮶块牛肉，虽然望落唔系好厚，但湿润度牛味都控制得适中，唔会煎到干柴冇肉汁。太阳蛋是另加的，如果有熟蛋拣更好不怕蛋汁溢出。芝士薯条嘅芝士淋满薯条上面，但因为放凉后芝
\\\ 点餐 \\\
►焙茶奶昔 $69
花生酱、加烟肉碎嘅奶昔响其他店饮过，所以毫不犹豫地拣咗呢个少见嘅焙茶味奶昔。个人其实唔算特别钟意奶昔，但饮呢杯第一啖已经觉得正！佢嘅浓稠度调得刚刚好，打得好均匀，饮起嚟好顺滑，唔会有碎冰感，最重要唔会太甜太腻，入口有浓浓的奶味及烘焙茶香。
►抹茶绿茶奶昔 $59
友人点了绿茶奶昔，一样好饮，绿茶味甘香而不苦，相对焙茶味会清一点。
►滋味芝牛治 $88
三文治嘅包炸脆咗，偏硬身，夹住微辣牛肉碎馅，加上热熔芝士拉丝，口感似芝士肉酱意粉走意粉。
►和牛芝士汉堡配芝士薯条 $139
+$10 原餐配香辣薯条，需加钱改为芝士薯条
+$10 加太阳蛋
面包烘到微脆内软，有生菜、蕃茄，而汉堡重点嘅𠮶块牛肉，虽然望落唔系好厚，但湿润度牛味都控制得适中，唔会煎到干柴冇肉汁。太阳蛋是另加的，如果有熟蛋拣更好不怕蛋汁溢出。芝士薯条嘅芝士淋满薯条上面，但因为放凉后芝士凝固变硬，薯条痴住一旧旧，变咗软淋状态，影响了口感。
\\\ 整体评价 \\\
★想encore指数 - 8 / 10 ★
呢间嘅奶昔系饮过入面暂时印象较深，想再试下其他味，加上食物质素不错，值得再光顾！
张贴
