小神燈新派飯館 (已結業)

每次去调景岭附近行山都觉得冇嘢好食，呢间餐馆简直系一间令我惊喜嘅餐厅，见到海鲜价钱都唔太贵，一于嗌来试吓，我哋叫咗濑尿虾，东风螺，味道都唔错。不过最惊喜系咸蛋黄油炸鬼酿墨鱼滑，入口表面好重咸蛋黄香味，而且油炸鬼卜卜脆，墨鱼滑又弹牙，所以真系非常好食。奶油虾简直系令我最惊喜，大头虾大大只，而且每只都好多膏，好香好好味，忍唔住将奶油汁用嚟送饭，因为真系好滋味。最后点咗半只菜胆鸡，份量好多，而且咸咸香香好惹味，最好系仲有菜一齐食，最后埋单之前侍应仲有红豆沙送上，成餐饭令我非常惊喜，呢间餐厅可以话系调景岭最出色嘅一间饭店，下次行山后可以再嚟食。