金寶冰廳

营业中

休息中

金宝冰厅嘅奶茶喺区内非常出名，从佢哋将杯奶茶以舖头名命名，就知道对呢杯自家出品有几大信心。一场嚟到，主要系想试下杯金宝奶茶，食咩其实冇乜所谓，于是贪方便叫个下午茶餐，拣咗我嘅 comfort food 沙嗲牛肉面，配餐肉炒蛋同牛油面包。食物正常普普通通，唔特别介绍，至于杯奶茶呢，单睇面头块奶膜就知有啲料到，证明茶胆撞落淡奶时，热力同劲道十足，因而分离出一层奶脂，冻咗就形成奶膜。呷一口，奶茶非常厚身，奶味亦好浓，相对地茶味就冇咁强，所以虽然水准高，但系并非我最喜欢嘅味道，不过如果钟意饮奶嘅话，呢杯金宝奶茶肯定系你嘅心头好。