我杯茶 (永興樓)

营业中

休息中

早几年一个外国返港中文唔多好朋友问我呢间舖头嘅中名究竟左向右定右向左睇，又同我讲依间嘅港式奶茶好好饮。开头听完，心谂点好味都好唔过同一条街开业过半世纪嘅茶餐厅。但系如果试都唔试，妄下定论就绝对系偏见；第一次入此店系2018年夏天，天口㷫就试樽装冰镇奶茶 加 咸牛肉蛋治。奶茶加冰只会越饮越淡味，所以好饮嘅饮冻奶茶一定系冰镇奶茶。以冰镇奶茶好饮与否在乎于甜度嘅控制， 呢支冰镇奶茶唔单止甜度控制适中，茶味亦十分浓沃，完全系同老字号叮当马头。虽然咸牛蛋治 面包软熟、鸡蛋够滑与奶茶相比较明显变得平庸。要知奶茶功夫得唔得，当然唔可以只尝一次。 相隔两季再临小店一试热奶茶，今次加份 鲜牛蛋治。是次杯奶茶有齐茶香、味浓、唔谐口、奶滑而且仲平衡得非常出色。可惜今次份鲜牛治依然较一般。除上述两次有明确记忆外，当中数次光顾奶茶同样保持水准冇失望。新旧店各有千秋，有更多美味饮食出现，更多选择自然最好不过。