南岸茶舍

营业中

休息中

今日同朋友因为工作嘅关系嚟咗黄竹坑呢边嘅新开商场，估唔到咁热闹，食肆全部基本上都要等位，我哋等位置嘅途中决定去买杯饮品解决下口渴嘅问题。呢间位于黄竹坑香叶道11号THE SOUTHSIDE地下G16号舖噶南岸茶舍，装修简约，多人排队，咁嘅状态，我哋都决定排埋一份。两人都系叫咗奶盖，不过就茶底唔一样。奶盖307茶王，茶底系青茶，味道够清，估唔到佢嘅奶盖超级绵密，味道浓郁，口感厚实，丝滑，还品尝到少少嘅海盐咸味，立刻爱上了。奶盖招牌红，奶盖都系一样，不过茶底就系红茶，配上奶盖又系另一番风味。佢嘅红茶超级香，茶味浓。又系一个唔错嘅选择。两条友饮完呢两杯茶都饱咗。但呢两杯茶绝对有惊喜。