珍煮丹 (已結業)

我自己住葵涌，去葵涌广场都好近，所以周不时都去食下野，但系讲真𠮶句，葵广啲野饮我无一间系会主动去买嚟饮，因为真系无遇到一间系出色嘅，见到珍煮丹新开，就谂住去试下佢，睇吓有冇得打破常规😂而饮过一次之后，葵广终于有一间我满意嘅手调饮品🥰新开嘅铺头装修都好光亮，好吸睛，系葵广3楼，而周围都有其他手调饮品好大竞争。身为奶盖控嘅我我睇完个menu之后拣咗盖世不知春，而朋友就拣咗新出嘅莓莓沙冰。沙冰系即叫即打，所以要等10分钟左右。盖世不知春出场！！！劲多奶盖😂唔怪得个店员叫我开始饮一啖奶盖先，我饮第一啖已经觉得好夹，奶盖好滑，茶味又好清，加埋一齐都真系好正🤩最重要系唔会太heavy呀！沙冰就入边有好多果肉，夏天饮绝对系一流，不过记得要即刻饮，如果唔系啲冰融晒🥺同埋上面仲有层奶盖，成杯野又甜又有少少咸，即刻中和返🤩