影片
更多
2013-08-18
1634 浏览
寻日(17-8-2013 Sat)从容(音耸拥)爸爸夜晚一齐出街食饭,朝早我book呢间三人7:30pm,而今次佢终于肯听喇,不过接近中午,有个女职员打电话畀我,话今晚好full,问我可唔可以改早啲或晏啲?我问佢会系几点?佢答6:30pm或8:30pm. 心谂唔系啲啲,系成个钟㖞.我问可唔可以7:00pm?佢答唔得,hold唔到半个钟.我唯有答应6:30pm啦,因为爸爸唔可以咁晏食饭,但我话未必齐晒人,会有一个迟啲.佢答可以.我同爸爸落去,男友就放工即走去,6:32pm,男友call我话到o左,我同爸爸o岩o岩o系前一个商场出去.我叫佢先攞位,之后我o地都到喇.我o地被安排坐卡位,男友同我讲,佢攞枱时亚姐黑口黑面话再迟啲唔畀. 唔使咁恶o挂?我同爸爸被人群所阻,我o地前后都系系迟3-4分钟,唔算好离谱o挂?我就负责拣o野食,男友洗o野,我要$63.00o既沙拉骨,亚姐即sell蚬定花甲之类,但爸爸话要$128.00o既酥炸桶蚝.我即话要酥炸桶蚝,然后要猪天梯,亚姐问系咪客家猪天梯?我答系.然后我问好似有咩蛋卷?佢话客家蛋卷煲.我答系,就咁四样啦.睇睇张单,呢两样都系$68.00.落
我问可唔可以7:00pm?佢答唔得,hold唔到半个钟.我唯有答应6:30pm啦,因为爸爸唔可以咁晏食饭,但我话未必齐晒人,会有一个迟啲.佢答可以.
我同爸爸落去,男友就放工即走去,6:32pm,男友call我话到o左,我同爸爸o岩o岩o系前一个商场出去.我叫佢先攞位,之后我o地都到喇.
我o地被安排坐卡位,男友同我讲,佢攞枱时亚姐黑口黑面话再迟啲唔畀. 唔使咁恶o挂?我同爸爸被人群所阻,我o地前后都系系迟3-4分钟,唔算好离谱o挂?
我就负责拣o野食,男友洗o野,我要$63.00o既沙拉骨,亚姐即sell蚬定花甲之类,但爸爸话要$128.00o既酥炸桶蚝.我即话要酥炸桶蚝,然后要猪天梯,亚姐问系咪客家猪天梯?我答系.然后我问好似有咩蛋卷?佢话客家蛋卷煲.我答系,就咁四样啦.睇睇张单,呢两样都系$68.00.
落好单,亚姐都顺手执走装洗o野o既污水盘时,提我o地未洗筷子.哈哈!
好快,沙拉骨先到,爸爸就即刻话要饭,爸爸要一个,男友话唔要,咁我话要两个白饭;然后爸爸又话要橙汁,男友要忌廉,我唔饮汽水,就咁决定.
沙拉骨颜色好靓,食落,味道比咕噜肉酸,一向食唔到酸o野o既爸爸,食一件就唔食喇.呢个啖啖肉亦唔会好肥,又只有少少碎骨,肉质松软,我o地食到好饱.然后酥炸桶蚝到o黎,亚姐话饭要等一阵,因为勺晒.
大大只桶蚝共六只,睇见唔系好油,食落,脆浆好薄,但蚝味好似唔多够.之后系客家猪天梯,
个样同桂花蚌有啲似,食落冇乜味,只食爽口同劲弹牙o既口感,亦有啲似软骨,我o地要蘸随酥炸桶蚝上o既喼汁或辣椒油食.两碗白饭到喇,
睇见好好干身,应该麻麻,但点知原来都唔算好干,口感又正常.等o左一阵客家蛋卷煲终于到o黎,
有八件胀卜卜蛋卷,蛋卷好有蛋香,内里全部都系猪肉,
味道清清,而汤系落o左唔少胡椒粉.爸爸一早就收手,只有我同男友清,好鬼饱.
我o地食完走人都只系7:32pm,都仍有位呢.
服务:
o系文中已经讲o左,唔系o黎攞位时个亚姐黑面,我都会畀满分佢.
环境:
可能有订位,所以佢o地留室内卡位畀我o地.
价钱系$359.00,估计白饭每碗$10.00,汽水每罐$6.00
味道分系3.7分
张贴
