暖心芝作

营业中

休息中

上周五喺素食展食过佢的杯装黑芝麻雪糕，第二日（星期六）下午茶时段即刻去荃湾分店，食埋黑芝麻软雪糕。狗狗爸爸知道店铺大概位置，去到附近，佢话：「人龙长就系架喇」。果然，小店外就系人龙，但唔算好长，十零人左右，大部分人都系买软雪糕，亦有食客话要外卖菲林卷，赞好食。黑芝麻软雪糕：同杯装雪糕一样卖$28。有评价写话5圈半，我冇数，但食到脆筒底部依然有雪糕；软雪糕的黑芝麻味突出，不过同杯装雪糕比，佢的香味少啲，味道冇咁浓郁，而店员落喺雪糕面的黑芝麻酱亦冇咁多；不过，狗狗爸爸钟意软雪糕多啲，喜欢佢软滑的质感，而且上手即刻食得；黑色脆筒几靓，令成个雪糕都系all black，特别啲；黑色脆筒同一般雪糕筒冇分别，够脆但冇芝麻味；论雪糕的份量，软雪糕应该比杯装雪糕多，但我偏好后者买完雪糕，人龙长咗，去到20+人。虽然店员近乎一脚踢，但效率高，买雪糕唔使等好耐。整体嚟讲，佢的黑芝麻雪糕（无论软定硬、筒定杯）都好好食，令人回味！会回购！