群記牛肉圓豬手

营业中

休息中

假日岀开嚟粉岭呢头，见一大早唔算太多人排队，就嚟到呢间老字号食个早餐先～入座时系朝早11点左右，虽然唔洗排队，但店内已经唔少人！一坐低店员就送每人一碟辣椒油叫咗一碗大猪手米、大牛丸米、同埋炸卷（碎牛）两碗面，面底粉量啱啱好（早餐的话），料的确好多，以40几蚊价钱嚟讲！好欣赏佢哋嘅猪手，系肉多过骨，食落啖啖肉，食得好开心，虽然猪手睇落去系无咩颜色，但食落都好入味，值得一试～而一碗大牛丸面入面就有16粒细牛丸，牛丸比起猪手稍为无咁特别，个人几钟意佢哋面嘅清汤，够晒清 唔会重碱水味，食完唔会颈渴见炸牛肉卷都系佢哋招牌，就叫嚟试试啦，份量都好多重牛味，点埋佢哋个酱汁食，味道更好！个人最推荐猪手