花花世界. (已結業)

一入到呢间花花世界就觉得到非常浪漫啦，因为系比好多好多嘅玫瑰花包围住，staff安排咗我同朋友去玫瑰花嘅位。直头觉得花到有D 夸张, 不过而家兴打卡, 呢度一定呃到LIKE。我叫咗个烟三文鱼菠菜忌廉意粉同埋百香果茶。烟三文鱼菠菜忌廉意粉佢系长通粉呢嘅，一上台嘅时候，已经好有惊喜,烟三文鱼围咗做花形，仲有d玫瑰花伴碟, 真系靓到一个点。食落长通粉系al dente嘅，唔会淋晒咁。而个菠菜汁都做得唔错，有啲灯笼椒mix 埋 所以唔会因为忌廉味就觉得好漏。百香果茶一冲杯茶就闻到好香嘅百香果味，朋友对面都闻到都觉得好fresh,饮落去亦都唔系甜, 好健康。如果同闺蜜一齐呢就非常match啦，影相打卡或者静静地坐低倾偈都非常适合啊。