豐鍋雞煲 (荔枝角道) (已結業)

天气开始凉，系时候比自己一个借口去食火锅了，上网揾食时候发现丰锅系深水埗都开了，唔洗入到去沙田石门食，自然要去试下。叫左个丰锅招牌麻辣鸡煲，我本来唔系好食得辣，但店员讲一定要试下，所以叫左个试下，一上来已经好香好惹味，店员会代劳即场再炒炒，炒几分钟之后，更加香。酱汁好浓同惹味，鸡件切得啱啱好，唔会太大或太细件，多又有肉食，肉质嫩滑，吸收左个鸡煲的精华，好入味。之后打边炉叫做牛柳粒，个量唔少，食肉兽好适合，牛肉肉质都系到，唔会有雪味，吸左鸡煲d味，味道唔会比平时d肥牛差。如果下次去深水埗，大家可以有多个鸡煲选择。