慧食貓

营业中

休息中

--旺中慧食猫--呢间喺旺中都开咗好耐舖，好多学生买嚟医肚，价钱最平都系$23，几抵食。🌯块饼好薄，煎得几脆，但成旧食𠮶阵块饼嘅存在感其实好少，都系当食下料。入面加咗啲酱甜甜地几衬个蛋，火腿得一块，但呢个价钱冇得投诉啦。肉松喺入面存在感几强，同埋食咗好多啖都净系食紧肉松，系ok嘅，就系平时会买到嘅即食肉松。💩有少少捞搞嘅系个手抓饼嘅顶全部都系料，好似朵花咁整到块饼好开，其实一啖咬唔晒所有嘢，而且一开始食好难食到块饼，变相就要食晒啲料，再食饼咁。同埋出面张纸包住个手抓饼，张纸又好难搞，有时会唔小心食到啲纸入肚。😵‍💫整体系ok，旺中平民小食，系几抵食嘅，同埋一个女仔嚟讲几饱肚。